Loading...

Tuesday, April 10, 2012

ATCL KULIKONI TWIGA WETU?

Wakati tunamshukuru Mungu kwa kuwanusuru abiria waliokuwa wamepanda ndege ya ATCL iliyopata ajali Kigoma na kusikitika kuhusu hali mbaya ya kampuni/shirika hilo huu ni wasaa wa kuirejea mistari hii ya shairi la Issa Bin Mariam almaarufu kamaProfesa Issa G. Shivji na kujiuliza, je, kulikoni kurejea kwa twiga wetu?

Twiga Katoroka - Kajiheshimu

Nimemkosa,
Sikumuona.
Akisimama wima,
Kama askari,
Na kiburi chake.

Kwa heshima na taadhima,
Akiimba kwa sauti nyororo:
"Mabibi na Mabwana,
Nawakaribisha kwenye
ndege hii ya Serengeti,
ndege ya Shirika la Ndege la Taifa."

Twiga kakimbia,
Kenda kwao.
Kwao upo?
Mahali pake mkiani
Peupeeeeee....!
Nyeupe ya rangi,
rangi ya ubaguzi.

Ninashindwa,
kumeza.
Mkate na mayai, yao:
Prepared and Packed
in Pretoria.

Nimeinamisha kichwa.
Ninatetemeka kwa aibu.
Nawaona kwa kuibia.
Dada zangu wawili,
Wanyonge.
Bila tashi wala tamaa.

"Here we're
Carlesberg for you, sir."
"na...na....naomba safari."
"I...I...I'd like safari."
"Sorry...er...."

Twiga katoroka,
Kenda na heshima zake.
(Kajiheshimu)
Katorokea wapi?
Mbuga zao,
Watalii wao,
Ndege yao.
Kibendera chetu!

"Jjambo!
Captain Roaming Rogue speaking."

Buriani Twiga.
Kwaheri za kuonana.
Kama sio kesho,
Keshokutwa.

3 Aprili 2003

0 comments:

Karibu kwenye ulingo wa kutafakari kuhusu tunapotoka,tulipo,tuendako na namna ambavyo tutafika huko tuendako/Welcome to a platform for reflecting on where we are coming from, where we are, where we are going and how we will get there

  © Blogger templates 'Neuronic' by Ourblogtemplates.com 2008

Back to TOP